Nacionalna minoritetija (romani arli)

Da li tu hijan ko jekh kotar o panđ e Švedskakere nacionalna minoritetija – Jaudije, Roma, Samer, Švedsko-Fincija ja Tornedalcija? Tegani tu isi tut pobuter pravo ked ka ovel tut kontakt amencar.

Tu ako bešeja ki Švedska šaj te dobine informacia kotar to pravo, ki ti nacionalno minoritetno čhib. Ako bešeja ko jekh administrativno than kaj so khuvela i Finsko čhib, i Samisko čhib hem i čhib Meänkieli, tegani šaj hem te komunicirine amencar vačerindoj hem pisindoj.

Amen arakhaja hem barjačeraja tumari čhib hem tumari kultura

Amen čeraja buti ki promocia te arakha hem te barjačera o nacionalna minoritetno čhibja hem isto ađahare te arakha hem te barjačera i kultura kotar o nacionalna minoritetija ki Švedska. Amaro prioriteti tane o čhavore hem o terne te barjačeren po kulturno identiteti hem pobuter te koristinen pi minoritetno čhib. Isto ađahare amen mangaja te da šansa e manušenđe so reprezentirinena o nacionalna minoritetija te oven aktivna ko oljengoro pučibe hem diskusije.