Našuvnnalaš Minoritehtat

Jus gullot ovtta Ruoŧa našuvnnalaš minoritehtii: juvddálaččat, románat, ruoŧasuopmelaččat ja duortnuslaččat? Dalle dus leat nannejuvvon rievttit ja vejolašvuođat iežat oktavuođaváldimis minguin.

Dus lea riekti oažžut diehtojuohkima iežat rivttiin, beroškeahttá man našuvnnalaš minoritehtagiela don sártnut ja gos don orut Ruoŧas. Dus gii orut hálddašanguovllu gielddas lea maid riekti gulahallat minguin iežat gillii sihke njálmmálaččat ahte čálalaččat.

Dá beasat diehtit makkár gielalaš rievttit dus leat ja makkár gáibádusaid sáhtát bidjat iežat gildii ja eará eiseválddiide. Riekti geavtit iežat giela.

Du vuoigatvuohta geavahit unnitlogugielaexternal link

Mii suddjet ja ovddidit du giela ja kultuvrra

Mii galgat suddjet ja ovddidit našuvnnalaš minoritehtagielaid ja ovddidit minoritehtaid vejolašvuođaid seailluhit ja ovddidit iežaset kultuvrra Ruoŧas, máná kultuvrralaš identitehta ovddideapmi ja iežas minoritehtagiela geavtin galgá ovddiduvvot erenomážit.

Mii galgat maid addit našuvnnalaš minoritehtaide vejolašvuođa váikkuhanfápmui jearaldagain mat gusket sin ja nu guhkás go lea vejolaš ráđđehallat minoritehtaid ovddasteddjiiguin dakkár jearaldagain..

Láhka našuvnnalaš minoritehtain lea vuoimmis olles Ruoŧas ja mearkkaša ahte:

  • minoritehtagielat galget suddjejuvvot ja ovddiduvvot
  • našuvnnalaš minoritehtat galget bastit seailluhit ja ovddidit iežaset kultuvrra
  • hálddašaneiseválddit leat geatnegasat .dieđihit minoritehtaid rivttiin ja addit sidjiide váikkuhanválddi iežaset jearaldagain

Stockholmma leana leanastivrras lea ovttas Sámedikkiin vástu buohtalastit ja čuovvut mot Ruoŧa minoritehtapolitihkka čađahuvvo riikka gielddain. Sámedikkis lea vástu sámiin ja Stockholmma leana Leanastivrras lea vástu juvddálaččain, románain, ruoŧasuopmelaččain ja duortnuslaččain.

Láhka našuvnnalaš minoritehtain ja minoritehtagielain

Láhka našuvnnalaš minoritehtain guoská olles Ruoŧa ja mearkkaša ahte minoritehtagielat galget suddjejuvvot ja ovddiduvvot, našuvnnalaš minoritehtat galget bastit seailluhit ja ovddidit iežaset kultuvrra ja hálddašaneiseválddiin lea geatnegasvuohta juohkit dieđu minoritehtaid rivttiin ja addit sidjiide váikkuhanválddi iežaset jearaldagain.

Lag (2009:724) om nationella minoriteter och minoritetsspråkexternal link

Kontakt