Nationallni minuritetura (romani lovara)

Ginadzjos tu ande varisoske anda le Shvedoske panch nationallni minuritetura - zjiduvura, rom, samer, sverigefinnar vaj tornedalingar? Atunchi si tu unji pravura aj opurtunatsiji kana si tu kontakto amentsa.

Mindik si te biris te les informatsija pa chire pravura aj opurtunatsiji, soski chib te na vorbis anda le nationallni minuritonge chiba aj kaj tena trajis ando Shvedo. Te trajis ande jek kommuna kaj si ando jek förvaltningsområde pe le chiba filanderitska, meänkieli vaj samiska, si tu vi pravo te inkres kommunikatsija pe kodi chib vi ande vorba aj vi ando skiripe.

Ame las sama aj zjutisaras chiri chib aj chiri kultura

Amari butchi si te las sama, te zjutisaras aj te bararas e nationallni minuritengo potentsialo te inkren aj te bararen pengi kultura ando Shvedo. Ame shuvas prioritatsija pe shavora aj pe terne te bararen pengi kulturallno identitatsija aj te len hasna ande pengi minuritatno chib. Si vi te das le nationallni minuratatsijen chansa te avel le lengo influenso ande pushimata kaj azbal len aj sode dzjal, te avas ande dorada kusa le minuritetura ande kasave pushimata.

O Länsstyrelsen ando Stockholmo si les kethane kusa Sametinget e butchi te shon kethane aj te dikhen sar e Shvedoski minuritatno politika si inkerdi kaj le themeske kommuni, regioni aj raj. O Sametinget baroj pe le samer aj pe le samiska chiba, aj o Länsstyrelsen ando Stockholmo baroj pe le kaver shtar minuritetura aj pe lenge chiba.

Kontakt

Länsstyrelsen Stockholm

Box 22067, 104 22 Stockholm

Telefono: 010-223 10 00

Dela sidan:

Landshövding

Allan Widman

Besöksadress

Regeringsgatan 1, Kalmar

Postadress

391 86 Kalmar

Organisationsnummer

202100-2304

Följ oss