Aktem vihkelommes aamhtesijste demokratijen sïebredahkesne lea byjjesprinsihpe. Dïhte lea åajvaladtji barkoem gohkeldahkesne edtja dan riphes hammoem utnedh. Akte vuesiehtimmie byjjes prinsihpeste lea prinsihpe tjaatsegebyjjesvoete. Tjaatsegebyjjesvoete fïertene almetjasse reaktam vadta byjjes tjaatsegh vuejnedh jïh daamhtaj ih daarpesjh jeahtah mannasinie jïh gïe datne leah.

Byjjes tjaatsegi byjjesvoete

Prinsihpesne gaajhki leah, sveerjen årrojh jïh jeatjah, reakta tjaatsegidie lohkedh mah leah Leeneståvrosne.  

Dam reaktam göökte vuekiejgujmie gaertjede:

  • Voestes åålmegen reakta lea dagkerh tjaatsegh lohkedh maam byjjes tjaatsegidie gåhtjoedibie. Eah gaajhkh tjaatsegh leah byjjes tjaatsegh, vuesiehtimmien gaavhtan evtelasse mieredæmman, tjaalege jallh seammalaakan ieresne mij ij leah byjjes tjaatsege, jis ij dam våarhkosne gosse ierem orrijidh.
  • Mubpie jis bieliem byjjes tjaatsegijste lea tjeakoes. Ij åålmege leah reakta dejtie lohkedh jïh ij Leeneståvroe åadtjoeh dam jeatjagidie vedtedh.

Leeneståvroen diarijume

Diarijisnie biejjieladtje orre ierieh bievnieh, maam ierine deahpede jïh ieriej mieriedimmieh. Dah læstoeh lea byjjes, medijah jïh jeatjah iedtjeladtjh maehtieh dejtie lohkedh. Diarije lea sveerjen gïelesne.  

Länsstyrelsernas diarier tjïrrh datne åadtjoeh ierh vuejnedh ruffien 8.b. 2011 raejeste. Leeneståvroej diarijerh vijrebe destie evtididh.

Jis datne sïjhh bïevnesh sjïere ieri bïjre Leeneståvroem bïeljelh.