Servodatplánen & kulturbiras

Leanastivrra bargu servodatplánemiin galgá veahkehit oažžut buriid ja dorvvolaš eallinvejolašvuođaid ja guhkes áigái bissovaš eallinbirrasa leana orruide ja guossástalliide. Kulturbiras lea okta oassi servodaga historjjás, dat addá bissovašvuođa árgabeaivái ja lasida olbmuid ipmárdusa sin birrasii.  

Infrastruktuvra ja IT  

Leanastivra bargá álkidahttimiin kommunikašuvnnaid leana siste ja birrasa eará osiide ja ahte dat birrasa vuhtii váldimiin šaddá nu buorre go vejolaš. Buorit kommunikašuvnnat ja buorre IT- infrastruktuvra dagaha ahte eanet olbmot, fitnodagat ja organisašuvnnat sáhttet viiddidit bargomárkaniiddáseaset. Leanastivra gohcá earet eará ahte riikkaberoštumit ja beroštumit mat guoskkahit máŋggaid gielddaid vuhtiiváldojuvvojit infrastrukturprošeakta plánemis. Mii hálddašit maid stáhtalaš govdes fierpmádaga biggendoarjaga dálonguovlluin

Energiija  

Leanastivra buohtastahttá  báikkálaš barggu guhkesáigásaš dorvvolaš ja bissovaš energiija-fuolahussii. Ovttas leana áktoriiguin mii leat váldán sadjosii dálkkádat ja energiijastrategiija mii čájeha mot mii galgat bargat vai olahit Ruoŧa dálkkádatulbmila ja energiijarievdama. Leanastivra jođiha sierra prošeavttaid ovddidan dihte bissovaš ovdáneami ja váldá ovdan vuođu doarjun dihte gielddaid energiijaplánema. Gávdnojit sierralágán stáhtalaš doarjagat energiija beavttálmahttimii ja sirdáseapmái ođasmuvvi energiijai mas Leanastivra mearrida. Leanastivrra birasdutkansáttagoddi mearrida lobiin stuora energiijalágádusaide dego bieggafápmopárkkaide ja gáiddusliekkaslágá-dusaide.

Orrun  

Leanastivra gieđahallá stáhtalaš doarjagiid boarrásiidorohagaid ja dorvoorohagaid biggemii, una viesuid ráddonbuhtisteamis sihke mearrida energiijadoarjagiin orrunviesuide ja dihto lanjadagaide. Leanastivra ovttastahttá informašuvnna ja dahká juohke jagi analysaid leana orohatmárkaniin earet eará doarjjan gieldda  orohatfuolahanbargui.  

Plánajearaldagat

Leanastivra váldá sadjosii sierra guovlluid plánenvuođu mii čájeha mii lea dehálaš váldit vuhtii biggen ja eanangeavahan aktavuođas. Ulbmilin lea hábmet buriid ja dorvvolaš eallinvejolašvuođaid  ja guhkesáigái bissovaš eallinbirrasa. Plánenbargui váikkuhit sierra nášuvnnalaš ulbmilat ja riikkaberoštumit, ovdamearkka dihte go lea jearaldat energiijabuvttadeamis, luonddudikšumis, olgoleahkin-eallimis dehe kommunikašuvnnain. Mii guorahallat maid kommunála plánema vuhtii váldimiin olbmuid dearvvašvuođa ja sihkkarvuođa, riikkaberoštumiid, birasšládjanorpmaid ja gáddesuoji. Jus leat duhtameahttun gieldda biggenlohpái dehe bietnaplánii don sáhtát váidalit Leanastivrii.

Suddjejuvvon bigget

Leanastivra sáhttá mearridit ahte kulturhistorjjálaččat árvvolaš biggegat, biggenbirrasat, girkobirrasat, párkkat, šaddogárddit dehe sullasaččat galget suodjaluvvot huksenmuitun. Leanastivra  dutká ja mearrida galgágo áhtu šaddat huksenmuitun, bearráigeahččá daid sihke addá lobi rievdadit huksenmuittuid, girkuid ja hávdádanbáikkiid.

Huksehusdikšun

Huksehusdikšun lea oassi Leanastivrra guhkesáigásaš barggus leana kulturbirrasa seailluheapmái. Vai orrun galggašii seailluhit kulturhistorjjálaš árvvu lea dehálaš ahte dikšun, bajásdoallu ja divvunbarggut dáhpáhuvvet ovttaskas dáluid eavttuid mielde. Lea maid dehálaš geavahit kulturhistorjjálaččat rivttes materiálaid ja vugiid. Ovttaskas olbmot, gielddat, vuođđudusat ja fitnodatsearvvit sáhttet ohcat Leanastivrras stáhtalaš doarjaga  kulturhistorjjálaččat árvvolaš orrumiid dikšumii , nu gohčoduvvon huksehusdikšundoarjaga.

Arkeologiija ja dološbázahusat   

Dološbázahusat leat boarrásit olmmošlaš doaimma luottat, ovdamearkka dihte orrunbáikkit, hávdegiettit, bázahusat dehe kulturgearddit gaskaáigásaš gávpogiin. Leanastivrra doaibman lea suddjet, dikšut ja dahkat rabasin min dološbázahusbirrasiid, nu ahte sihke dálá ja boahttevaš  buolvvat sáhttet ipmirdit ja vásihit historjjálaš kulturárbbi. Kulturmuitolága jelgii lea gildojuvvon muhtit, váldit eret, vahágahttit dehe gokčat dološbázahusa, muhto dihto dáhpáhusas Leanastivra sáhttá addit lobi doaibmabidjui.

Kulturreserváhtat  

Leanastivra ja gielddat sáhttet mearridit ahte erenomáš árvvolaš kultureanadat galgá suddjejuvvot kulturreserváhttan. Dasa gullojit huksehusat, lágádusat, bázahusat ja eatnamat, muhto maid dat árvvut mat čoahkkanit doaimmain, dieđuin ja árbevieruin. Kulturreserváhtta sáhttá leahkit buot eanandoalloguovllus kulturhistorjjálaččat gelddolaš fabrihkkabirrasii- báikkit mat sierra ládje čájehit boarrásit áiggiid eanangeavahusa ja resurssageavaheami. Go Leanastivra váldá mearrádusa kulturreserváhtas mii leat maid hovdejeaddjit ja vástidit daid kulturárvvuid fuolaheamis ja dikšumis mat leat doppe. 

Eanadatdikšun  

Leanastivra bargá eanadatdikšumiin seailluhan ja oainnusin dahkan dihte  eanadaga árvvu. Jus don háliidat dikšut árvvolaš kultureanadaga mii muitala leana historjjás sáhtát oažžut veahkeruđa Leanastivrras dan váste. Doaimmat sáhttet sihke guoskat kulturbázahusaid ja šattuid ja elliidriikka. Leanastivra addá maid veahkeruđa servviide, fitnodagaide ja ovttaskas olbmuide geat háliidit jođihit báikkálaš luonddudikšunprošeavtta(LONA). Jus don háliidat doarjaga LONA- prošektii galggat almmuhit dan gildii mii vuorustis guođđá ohcamuša Leanastivrii.