Leanastivrra birra

Leanastivra lea stáhtalaš eiseváldi mii lea lahka olbmuid juohke leanas. Mii leat dehálaš gaskkusteaddji olbmuid ja gielddaid gaskkan nuppe dáfus ja hálddahusa, riikkabeivviid ja guovddáš eiseválddiid nuppe dáfus. Leanahearrá lea Leanastivrra hoavda ja sus lea bargun čuovvut ovdáneami ja informeret ráđđehusa leana dárbbuin.

Min doaibma  

Leanastivrra doaibman lea bargat ovdánemiin gos biras,šaddan, buorit eallineavttut johtet giehtalaga. Oanehaččat dadjon mii bargat leana  bissovaš ovdáneami ovdii. Leanastivra vástida ahte riikkabeivviid ja ráđđehusa mearrádusat čađahuvvojit leanas ja mii buohtalastit stáhtalaš doaimma. Go lea jearaldat leana ovdáneamis mii galgat vuorkaiváldit ja bargat ovttaskas olbmuid ja servodaga beroštumi hárrái.  

Leanastivrra bagadeami mielde mii galgat earet eará bargat

  • Borramušgálvodárkkistemiin, elliidsuodjalemiin ja almmolaš šibitdoavttirlaš
  • Jearaldagaiguin
  • Báikkálaš ovdánemiin
  • Infrastrukturplánemiin
  • Bissovaš servodatplánemiin ja orrumiin
  • Energiijain ja klimáhtain
  • Kulturbirrasiin
  • Sujiin lihkohisvuođaid ja kriisaválmmasvuođaid ja siviila bealuštusaid vuostá
  • Luonddusuodjalemiin sihke biras- ja dearvvašvuođasuodjalemiin
  • Eanadoaluin ja eatnadagaiguin
  • Guolástemiin
  • Dásseárvvuin
  • Ovttastemiin  

Leanahearrá ja leananjunuš

Leanahearrá lea ráđđehusa ovddasteaddji leanas man ráđđehus lea nammadan. Leanahearrá dehálaš bargu lea ovttastahttit stáhtalaš doaimma leanas, čuovvut leana ovdáneami ja informeret ráđđehusa leana dárbbuin. Stockholmma, Skåne ja Veasta Götalandda leanas lea leanaoaivedirektevra ja eará leanain lea leana??? Gii jođiha Leanastivrra beaivválaš barggu ja gii maid lea leanahearrá lagamus mielbargi ja sadjásaš go son ii leat barggus.

Diára

Leanastivra registrere diarai beaivválaččat ođđa áššiid, áššebáhpiriid áššiin mat leat gieđahallama vuolde sihke áššiid mearrádusain. Áššeregistrar lea almmolaš ja almmostuhtto interneahtas Leanastivrra diariuma bakte. Muhtin dáhpáhusas sáhttá informašuvnna almmostuhttin ráddjejuvvot heaggadiehtolága vehkiin. 

>> Mana leanastivrraid diaraide   

Dieđáhusat ja informeremat 

Leanastivra váldá máŋggaid sierra mearrádusaid man njuolga dehe eahpenjuolga guoskkahit leana orruid ja fitnodagaid. Dihto mearrádusaid ferte informeret daidda geaid ášši guoskkaha. Go joavku geaidda ášši guoská lea stuorat sáhttá almmuheapmi dáhpáhuvvat báikkálašaviissas, nu gohčoduvvon dieđáhusalmmuhus, dan sajis go sáddet reivve.

Váidalit  

Jus mearrádus man Leanastivra lea váldán váikkuha dutnje don sáhtát dávjjimustá váidalit das. Mearrádusa mielde don oaččut informašuvnna mii čilge got don meannudat. Leanastivra sádde de du váidaleami viidáseappot dan eiseváldái gii galgá mearridit jearaldagas. Mii sáhttit maid njulget dehe ođđasit mearridit mearrádusa.  

Máŋggalágán mearrádusat maid gielda váldá, ovdamearkka dihte biggenlohpi, sáhttá váidaluvvot Leanastivrii. Don gii váidalit gielddalaš mearrádusa galggat sáddet du reivve dan gildii mii lea mearridan áššis. Mearrádus ferte guoskkahit du vai dus lea njulgodat váidalit das.  

Mearrádusat

Mearrádusat leat riektenjuolggadusat mat rehkenasto rávan. Dat leat dárkkuhuvvon álbmogii ii dihto olbmui. Báikkálaš rávvagat leat earret eará mearrádusat  čáhcesuodjaleamis, luonddu-reserváhtas, mearratrafihkas ja sarvvabivddus. Leanastivra addá  leana mearrádusčoakkáldaga mii siskkilda sihke rávvagiid maid mii leat mearridan ahte rávvagiid maid gielddat ja johtolat-lágádus leat dahkan.  

Sáddehusat

Juohke jagi boahtá stuora mearri sáddehusain Leanastivrii. Dat mearkkaša ahte mii oažžut vejolašvuođa guođđit oaiviliid sierra departemeanttaid, stáhtalaš lágádusaid eará dakkár evttohusaide. Leanastivra sádde maid máŋggaid iežas mearrádusevttohusaid sáddehussan leana berošteddjiide geaidda dat guoská.  

Preassalatnja  

Leanastivra bargá aktiivvalaččat viiddidit dehálaš servodatinformašuvnna riikkavuložiidda ja Webbáiki ja min preassadieđáhusat leat vuohki addit dutnje bálvalusa ja geahčasteami min bargui.    

EU ja riikkaidgaskasaččat

EU miellahttovuohta váikkuha midjiide riikkavuložin máŋgga ládje, sihke stuorráid ja unnit. Leanastivrii dat mielddisbuktá vejolašvuođa niktet aktasaš resurssaid, muhto maid váldit vuhtii aktasaš njuolggadusaid. Máŋggain leanastivrrain leat riikkaidgaskasaš aktavuođat ja lonuheamit dehe oassálastet sierra ovttasbargoprošeavttaide nášuvnnarájiid badjel mat sierra ládje ovddidit leana ovdáneami. Ovttasbargu sierravugiiguin dáhpáhuvvá maid riikkaiguin olggobealde EU.  

Bargat min luhtte  

Leanastivra lea bargobáiki mas lea máŋggabealálaš doaibma. Mii leat diehto- ja bearráigeahččanorganisašuvdna mas lea viiddis dohkálašvuohta máŋgga sierra suorggis. Min beaivválaš barggu dárkkuhussan lea geahččat ahte riikkabeivviid ja ráđđehusa mearrádusat čađahuvvojit leanas, sihke buohtastahttit sierra beroštumiid ja doalvut viidáseappot orruid dárbbuid bissovaš servodaga buorrin – gos ekonomalaš ovdáneapmi, biras ja sosiála buresbirgejupmi ovttastuvvet.  

Háhkamat  

Juohke leanastivra lea iežas háhkaneiseváldi. Mis leat nannejuvvon rávvagat got mii galgat oastit ja láigut diŋggaid ja bálvalusaid ja mii čuovvut lága almmolaš háhkamiin. Mii geavahit maid vejolašvuođa dahkat bálvalusbivdaga stáhtalaš rámmasoahpamušas.