Eanandoallu ja dáloguovlu

Leanastivra bargá vai EU ja Ruoŧa eanandoallopolitihkka ja dálonguovlopolitihkka bohtet vuoibmái regionála dásis. Dat mearkkaša ahte eanandoallu galgá šaddat gilvalanfámolaš ja guhkes áigái bissovaš seamma áigge go ekologalaš gilvin lassána ja árvvolaš luonddu- ja kulturguovllut seailluhuvvojit. Ealli dálonguovlu mearkkaša maid ahte leat leahkime molssaevttolaš doaimmat, buorre bálvalus ja geasuhahtti orrunbirrasat.  

Elliid geahčču

Leanastivra bargá máŋggaiguin jearaldagaiguin mat gusket elliidgehččui. Mii bearráigeahččat ahte elliidstállat devdet gáibádusaid buori elliidbirrasis. Vai eallit ja loahpa loahpas maid mii olbmot, galgat veadjit bures lea dehálaš ahte fuođđu elliide válbmejuvvo,gieđahallo, seailluhuvvo, fievrriduvvo ja geavahuvvo sihkkaris vugiin. Leanastivra ja Eanandoallohálddahus dárkkistit dan máŋgga muttus .Mii addit maid lobiid eará doaimmaide mat gusket elliid ovdamearkka dihte beanabeaiveruovttuide ja riidenskuvllaide.

Dálonguovloovdáneapmi

Mii geavahit buorrin juohke guovllu erenomáš eavttuid ja váikkuhit dan geažil dálonguovllu buori ovdáneapmái. Dálonguovloprográmma lea EU- prográmma mii addá dálonguovllu áktoriidda ja agoartaváldiide vejolašvuođa ohcat veahkeruđa álggahit ja viiddidit fitnodaga, muhto maid loktet fitnodagaid gelbbolašvuođa.  

Eanandoallu

Leanastivra bargá seailluhan dihte leana eanadoalloealáhusa. Ealas eanadoallu lea eaktu rabas gilvindálonguvlui ja ealli dálonguvlui. Min váldobargun lea váikkuhit bissovaš, beaktilis ja birasustitlaš eanadollui Ruoŧa ja EU eanadoallopolitihka bakte. Dát mearkkaša ahte mii addit informašuvnna ja ráđiid leana eanadolliide. Mii váldit maid vuostá ohcamušaid EU- doarjagiin, gieđahallat áššiid, bearráigeahččat ja váldit mearrádusaid EU-njuolggadusčállosiid mielde.