Organizaciakiri ekonomikani dotacia

I Sresko uprava sako berš pokjinela organizaciakiri ekonomikani dotacia e organizacienge so zastupinena e nacionalnikane minoriteten, jaudien, romen, švedikane fincon hem tornedalincon. O cili e ekonomikane dotaciaja tano te delpe dumo hem te ločhakerelpe e organizaciengiri buti.

I dotacia regulirinelape tari i uredba (2005:765) baši državakiri dotacia e nacionalnikane minoritetenge.

Ko šaj te rodel i dotacia?

O organizacie so šaj te len e organizaciakiri ekonomikani dotacia tane o centralnikane organizacie ja organizacie kola tane centranikane so:

  • Zastupinena nekas taro e nacionalnikane minoriteten hem so tane členia ki organizacia ja olengere lokalnikane khedipe (udruženje) ja edinice kola buteder pripadinena ko nacionalnikane minoritetia, hem
  • Bavinenape bučaja te zojraren o utičibe e nacionalnikane minoritetenge, te džan angle (unapredinen) plo nacionalnikano minoritetengoro grupakoro identiteti, kultura, čhib, te sprečinen diskriminacia ja te širinen džandipa ple grupatar